Allur ágóði af seldum vörum rennur allur til starfsemi Dýrfinnu 🧡
Á Höfuðborgarsvæðinu týnast að meðaltali 3 hundar á dag, oft á kvöldin eða um helgar þegar hundaeftirlit er ekki að störfum. Sem betur fer bregst samfélagið fljótt við á Facebook, en í ákveðnum tilfellum þarf að skipuleggja eiginlega leit, sérstaklega þegar hundar týnast úr pössun.
Stærstu hindranirnar eru:
Dýrfinna vill breyta þessu.
Við gerum almenningi kleift að lesa örmerki, hjálpum til við leitir og styðjum bæði eigendur og sveitarfélög með áreiðanlegum upplýsingum og betri þjónustu.
Við erum með hóp sjálfboðaliða með mikla reynslu og menntun í hegðun dýra. Við veitum ráðgjöf um hvernig er best að haga leit eftir aðstæðum, tegund og persónuleika dýrsins.
Við bjóðum upp á ráðgjöf án endurgjalds því við setjum dýrin í fyrsta sæti, við óskum þó eftir stuðningi ykkar við þróun smáforritsins og bættrar þjónustu í gegn um vefverslunina.
Það er fjöldi dýra á hverju ári sem týnist á Íslandi, sem betur fer kemst stór hluti þeirra aftur heim, en því miður ekki öll. Dýrfinna er smáforrit í þróun sem ætlað er að auðvelda týndum dýrum að komast heim með því að hjálpa fólki að skipuleggja leit að týndum dýrum, halda utan um upplýsingar og hjálpast að við leitina. Einnig getur notandi smáforritsins fengið tilkynningar um týnd dýr í hverfinu og skoðað lista af týndum dýrum ef viðkomandi finnur dýr úti sem grunur er á að sé týnt.
Við erum hópur sjálfboðaliða sem brennum fyrir málefninu með einum eða öðrum hætti. Við höfum aðstoðað við leitir og höfum reynslu af því hversu erfitt og stressandi það getur verið að skipuleggja leit af gæludýrinu sínu, halda utan um allar vísbendingar og koma upplýsingum á alla sem vilja hjálpa.
Við erum nú þegar með lista af aðilum sem eiga örmerkjalesara sem hægt er að hafa samband við hér á síðunni. Einnig erum við með örmerkjaskanna til sölu og aðrar öryggistengdar vörur til styrktar smáforritinu.
Er gæludýrið þitt týnt? Það er mikilægt að hafa nokkra hluti í huga þegar gæludýrið týnist. Það er munur á hegðun dýra eftir tegund, aðstæðum sem það týnist úr, skapgerð dýrsins og heilbrigði dýrsins.
Dýrfinna reynir að búa til greinar sem gefa ráðgjöf og upplýsingaveitu um almenn fyrstu skref.
Happur
Dýrfinna leitast við að bjóða aðeins upp á frábærar vörur frá vörumerkjum sem leggja áherslu á öryggi, gæði og/eða umhverfismál eftir tilvikum.
