Dýrfinna eru sjálfboðaliðasamtök sem hjálpa týndum gæludýrum að komast aftur heim. Við skipuleggjum leitir og veitum eigendum ráðgjöf, höldum utan um net fólks og staða með örmerkjalesara víða um land og fræðum um rétta skráningu dýra svo eigendur finnist fyrr.
Átta sjálfboðaliðar sinna öllu starfinu, með stuðningi stórs hóps fólks sem fylgist með, deilir og mætir í leit þegar á þarf að halda.
Allt starfið snýst um eitt: að koma týndum dýrum aftur heim.
Við skipuleggjum leitir að týndum dýrum og ráðleggjum eigendum um næstu skref, auglýsingar og hvar best er að leita.
Fannstu dýr á flækingi? Fólk og staðir víða um land eru með örmerkjalesara og geta lesið af dýrinu svo eigandinn finnist.
Finna örmerkjalesaraÞegar dýr finnst látið eða finnst ekki bjóðum við eigendum sálrænan stuðning, þeim að kostnaðarlausu.
Við eigum næturmyndavélar, hreyfimyndavélar, dróna og fellibúr sem nýtast í skipulögðum leitum.
Við fræðum um rétta skráningu örmerkja, hegðun týndra dýra og ábyrgt gæludýrahald.
Lesa greinarÍ appinu geturðu fylgst með týndum dýrum í hverfinu þínu og tekið þátt í leitarspjalli þegar leit er í gangi.
Átta sjálfboðaliðar sinna öllu starfi Dýrfinnu: leitum, ráðgjöf, samfélagsmiðlum og fræðslu.
Stofnandi · Ráðgjafi
Stofnandi Dýrfinnu, stjórnandi Hundasamfélagsins og lærð í hegðun týndra dýra frá Missing Animal Response í Bandaríkjunum. Hefur síðan 2016 veitt ráðgjöf og skipulag við leitir ásamt því að gera auglýsingar fyrir eigendur týndra hunda.
Formaður · Ráðgjafi · Sjálfboðaliði
Starfar á dýraspítala og er að læra dýrahjúkrun hjá Australian College of Veterinary Nursing. Hefur mikla reynslu af hegðun týndra dýra, uppsetningu fellibúra og hreyfimyndavéla ásamt greiningu á sporum og beinum.
– Með umsjón samfélagsmiðla
Ráðgjafi · Sjálfboðaliði
Áratuga reynsla á gæludýrum og gæludýravörumarkaði á Íslandi. Hefur reynslu og þekkingu á tækjabúnaði sem nýtist við leitir, eins og t.d. nætursjónaukar, hreyfimyndavélar, uppsetningu fellibúra og fleira. Mikil þekking þegar kemur að greiningu á beinum og sporum, ásamt reynslu og þekkingu á hegðun týndra dýra.
-Hefur lokið námskeiði í skyndihjálp dýra.
Ráðgjafi · Sjálfboðaliði
BSc í sálfræði. Býður upp á áfallahjálp að kostnaðarlausu fyrir eigendur týndra dýra þegar dýr finnst látið eða finnst ekki. Hefur lokið námskeiðum hjá Rauða Krossi Íslands í bæði sálrænum stuðningi og sálrænni fyrstu hjálp.
– Með umsjón samfélagsmiðla ásamt auglýsingagerð, kortagerð og almennu umhaldi á vísbendingum sem berast við skipulagða leit að týndum hundum.
Ráðgjafi · Sjálfboðaliði
Hefur mikla reynslu af leitum á hundum og hegðun þeirra. Er einnig með margra ára reynslu af hestamennsku. Er með reynslu og þekkingu í að spora með hund sem nýtist í leitum að týndum hundum. Hefur lokið námskeiði í skyndihjálp dýra.
– Hefur umsjón með samfélagsmiðlum og almennu umhaldi á vísbendingum sem berast við leitir á vegum Dýrfinnu.
Ráðgjafi · Sjálfboðaliði
Mikil reynsla af skipulagðri leit að týndum hundum. Veruleg þekking og reynsla á hegðun týndra gæludýra.
– Hefur lokið námskeiði í skyndihjálp dýra.
Ráðgjafi
Mikil reynsla af skipulagðri leit að týndum hundum ásamt kortagerð af helstu vísbendingum sem berast við
skipulagða leit. Veruleg þekking og reynsla á hegðun týndra gæludýra. Hefur reynslu á uppsetningu fellibúra og hreyfimyndavéla.
– Hefur lokið námskeiði í skyndihjálp dýra.
Dýrfinna er rekin af sjálfboðaliðum og allur stuðningur skiptir máli.
Þegar stór leit er í gangi skipta öll augu máli. Fylgstu með á Facebook eða í appinu og vertu með í leitarspjallinu.
Dýrfinna á FacebookFólk með örmerkjalesara er mikilvægur hluti af starfinu. Sendu okkur skilaboð og komdu á listann.
Sjá örmerkjalesaraFrjáls framlög renna beint í starfið. Hægt er að leggja inn á reikning félagsins.
